---

Kanpoko balizak ipintzeko ardura Donostiako CATek dauka. Barneko balizak ere berak ipintzen ditu, bandera bakoitzari dagokion kolorez pintatutako batelak erabiliz.

Balizen alineamendua finkoetako erreferentzien arabera egingo da, topografo ekipo bati esker.

Kontxako badiaren barruan arraunketa eremua erreferentziazko buiatxo batzuen bidez mugatuko da. Ikusleen untzi guztiek eremu horretatik kanpo egon behar dute.

Itsasoko agintearen konpetentzia Ertzantzaren esku utzi da. Ertzantzak untzi batzu eramango ditu badiara arraunketa eremuko inguruetan dauden untziak kontrolatzeko.

Aurrekoaz gain, CATek beste hamar untzi ipiniko ditu arraunketa eremua oso-osorik zaintzeko. Kontrol sistema hori Bateria de Las Damas izeneko tokitik zuzendu eta koordinatuko da, itsasoan arauren bat hautsi ote den jakin arazteko

Kontroleko untzi horien aginduak hautsi eta estropada oztopatzen duten pertsonek zigorra jasoko dute eta haien izenak behar bezala publikatuko dira.

Video finish bat erabiliko da Kontxako banderako bi igandeetan denbora neurtzeko sistemaren lagungarri gisa. Normalean aparatu hori Donostiako Hipodromoko zaldi lasterketetan erabiltzen da.

Aurreko urteetan bezala, eta ohitura zahar bat berreskuratuz, estropadetako emaitzak kartel erraldoi batean erakutsiko dira, Real Club Nautico-aren fatxadan.

Sari banaketa Udaletxean egingo dira azken estropada amaitu ondoren. Irabazlearen bandera, berriz, Kontxako badian bertan egongo den itsasuntzi batean emango zaio irabazleari.